გარდა იმისა, რომ საკვები მარილი კერძების განუყრელი ნაწილია, ის უნივერსალურია რეცხვის დროსაც. ეს სტატია გაგიმხელთ, თუ რატომ და რისთვის უნდა გავრეცხოთ სარეცხი მარილით.
მარილი იცავს ტანსაცმელს ფერის დაკარგვისა და დეფორმაციისგან. ასევე, ბავშვის რბილ სათამაშოებს კარგად რეცხავს. მარილში გარეცხვის შემდეგ, სათამაშო კვლავ ფუმფულა და რბილია.
ოთახის ტემპერატურის წყალში უნდა გააზავოთ ცოტაოდენი მარილი და ნახევარი საათით ჩაალბოთ ნივთები. შემდეგ ეს ნივთები შეაწყეთ სარეცხ მანქანაში და ჩართეთ სტანდარტულ რეჟიმზე. შედეგი გასაოცარი იქნება-ნივთებს პირვანდელი ფერი დაუბრუნდება!
სათამაშოები, აჯობებს ცალკე გარეცხოთ. ასე, ისინი ფერს, ფორმას და სიფუმფულეს შეინარჩუნებს. სათამაშოები დალბობის გარეშე შეგიძლიათ გარეცხოთ. სარეცხი მანქანის დამარბილებელ უჯრაში მარილი ჩაყარეთ და მანქანა ჩართეთ. მარილით სათამაშოების გარეცხვა ბავშვებისთვის უსაფრთხოა და რეცხვის შემდეგ სტანდარტულზე მეტად გავლებას აღარ საჭიროებს.
მარილი ფეხის აბაზანისთვისაც გამოიყენება. ის ჭარბ ოფლიანობას ებრძვის და აშრობს ფეხს. აბაზანისთვის წყალი ცხელი არ უნდა იყოს. ამ პროცედურის გამოყენება კვირაში 1-2-ჯერ საკმარისია.
დეიდები და მამიდები ჩვენს ცხოვრებაში, დედის შემდეგ, №1 ადამიანები არიან