ხერხემალი და კისერი ყველაზე დაუცველი და მოძრავი მონაკვეთია. იგი განიცდის დეგრადაციულ ცვლილებებს ასაკის მატებასთან ერთად და აქედან ტკივილის სინდრომიც წარმოიქმნება.
ვარჯიშები კისრისთვის:
დაწყებამდე აუცილებლად უნდა გაკეთდეს მსუბუქი მოთელვა და კისრის თვითმასაჟი. რეკომენდებული მოთელვა და მასაჟი გაკეთდეს მჯდომარე პოზიციაში. ამ დროს მნიშვნელოვანია სუნთქვითი რიტმიც. ამოსუნთქვისას ვართ საწყის მდგომარეობაში, ხოლო ჩასუნთქვისას ვავარჯიშებთ კისერს. ამ ვარჯიშების გაკეთება უმჯობესია დღეში ორი-სამი პროცედურით და ნებისმიერ ასაკში მიზანშეწონილია.
- „მეტრონომი
საწყის ეტაპზე დაიწყეთ თავის დახრა ხან მარჯვენა, ხან მარცხენა მხარეს ნელ-ნელა. გაასწორეთ ზურგი და თავი თანდათან მარჯვენა მხრისკენ დახარეთ, ასეთ მდგომარეობაში გაჩერდით 30 წამის განმავლობაში. შემდეგ დაბრუნდით საწყის მდგომარეობაში და ანალოგიური მოძრაობა გაიმეორეთ მარცხენა მხრისკენ. ასეთი ვარჯიში უნდა გამეორდეს 5-ჯერ.
- „სპირალი“
დახარეთ თავი მაქსიმალურად წინ, ფაქტობრივად ნიკაპი დააყრდენით მკერდს და შემდეგ ნელი და თანაბარი მოძრაობით კისერი ასწიეთ რამდენადა შესაძლებელია მაღლა. ასეთი ვარჯიში გაიმეორეთ 5-ჯერ.
- „ყანჩა“
მჯდომარე მდგომარეობაში გაიჭიმეთ და დაალაგეთ ხელები მუხლებზე. თანმიმდევრულად და ნელ-ნელა გასწიეთ ხელები ზურგს უკან და, პარალელურად, აწიეთ ნიკაპი რაც შეიძლება მაღლა. მაქსიმალურად დაჭიმეთ კუნთები და დააყოვნეთ ამ მდგომარეობაში 30 წამის განმავლობაში. ეს ვარჯიშიც გაიმეორეთ 5-ჯერ.
- „მზერა ცისკენ“
გადახარეთ თავი მაქსიმალურად უკან, ზურგისკენ და შემდეგ თანდათანობით მიაბრუნეთ თავი ერთი მხრიდან მეორე მხრისკენ. ეს ვარჯიში მეორდება 6-ჯერ.
- „ფაკირი“
იდაყვში მოხრილი ხელები ასწიეთ და შეატყუპეთ თავს ზემოთ და ნელ-ნელა აბრუნეთ თავი მარჯვნივ და მარცხნივ თითოეულ პოზაში უნდა გაჩერდეთ 15-30 წამის განმავლობაში. ეს ვარჯიშიც გააკეთეთ 6-ჯერ.
- „ჩარჩო“
დადეთ მარცხენა ხელი მარჯვენა მხარზე, შემდეგ ნელა მოაბრუნეთ თავი მარცხნივ, ამ მდგომარეობაში გაჩერდით 30 წამის განმავლობაში, შემდეგ კი იგივე მოძრაობა შეასრულეთ საპირისპირო მხარეს. გაიმეორეთ ეს ვარჯიში 5-ჯერ.
- „ბატი“
ეს ვარჯიში არის ბოლო, რომელიც კისრის კუნთებს ამაგრებს და ტარდება მდგომარე პოზიციაში. ეს ვარჯიში აძლევს გათავისუფლებასა და რელაქსაციის შეგრძნებას, ადუნებს და ჭიმავს კუნთებს. დადექით სწორად, ხელები ჩამოუშვით და გაჭიმეთ, კისერი გაასწორეთ და ნიკაპი და მხრები უნდა იყოს იატაკის პარალელურად. თავი წამოწიეთ წინ, გადახარეთ გვერდზე და ნიკაპით მისწვდით მხარს. გაიმეორეთ იგივე ვარჯიში საპირისპირო მხარესაც. ეს ვარჯიშიც ჩაიტარეთ 5-ჯერ.
არ დაივიწყოთ სწორი კვება და მავნე ჩვევებისგან უარის თქმა. ამ ვარჯიშების რეგულარული და სწორი შესრულება კისრის ტკივილისგან გაგათავისუფლებთ და შვებას მოგგვრით. გისურვებთ ჯანმრთელობას.
პროდუქტები, რომლებიც თუთიის დეფიციტს შესამჩნევად ავსებს